പ്രതിപക്ഷ നേതാവിന്റെ മലയോര സമര യാത്രയില്‍ പി.വി അന്‍വര്‍ പങ്കെടുക്കും

 പ്രതിപക്ഷ നേതാവ് വി.ഡി.സതീശൻ നയിക്കുന്ന മലയോര സമരയാത്രയില്‍ സ്വീകരണച്ചടങ്ങിൽ തൃണമുൽ കോൺഗ്രസ് സംസ്ഥാന കോഓർഡിനേറ്റർ പി.വി.അൻവർ  പങ്കെടുക്കും. നിലമ്പൂർ നിയോജക മണ്ഡലത്തിൽ യാത്രയ്ക്ക് സ്വീകരണം നൽകുന്ന എടക്കരയിലാണ് അൻവർ പങ്കെടുക്കുന്നത്.

യാത്രയിലേക്ക് യുഡിഎഫ് നേതൃത്വത്തിന്റെ‌ ക്ഷണം ലഭിച്ചിട്ടുണ്ടോയെന്ന ചോദ്യത്തിന് ഇത് മലയോരത്തെ കർഷകർ നേരിടുന്ന പ്രശ്നത്തിനു വേണ്ടിയുള്ള സമരയാത്രയാണ്, അതിന് ക്ഷണത്തിന്റെ ആവശ്യമില്ലെന്നായിരുന്നു അൻവറിന്റെ മറുപടി. ഇക്കാര്യത്തിൽ ആരു സമരം നടത്തിയാലും പോകുമെന്നും അദ്ദേഹം വ്യക്തമാക്കി. യാത്രയില്‍ സഹകരിപ്പിക്കണമെന്ന് അഭ്യര്‍ഥിച്ച് അന്‍വര്‍ വി.ഡി.സതീശനെ കണ്ടിരുന്നു.