തൃശൂർ പൂരം അന്വേഷണത്തിൽ തിരുവമ്പാടി ദേവസ്വത്തിലെ കോൺഗ്രസ് അനുഭാവികളെ പ്രതിക്കൂട്ടിലാക്കാനുള്ള ശ്രമം അംഗീകരിക്കില്ലെന്ന് കെ.മുരളീധരൻ. ദേവസ്വം ജനറൽസെക്രട്ടറിയായ ഗിരീഷ് കുമാർ തിരഞ്ഞെടുപ്പ് സമയത്ത് തന്റെ ബൂത്ത് കമ്മിറ്റി ചെയർമാനായിരുന്നു. എന്നാൽ, ഗിരീഷ് രാഷ്ട്രീയം കളിച്ചിട്ടില്ലെന്ന് മുരളീ മനോരമന്യൂസിനോട് പറഞ്ഞു. ശനിയാഴ്ച കെ.പി.സി.സി തൃശൂരിൽ സംഘടിപ്പിക്കുന്ന പ്രതിഷേധത്തിൽ പങ്കെടുക്കില്ലെന്നും മുരളീധരൻ വ്യക്തമാക്കി.