ഈ ദൃശ്യങ്ങള്‍ കണ്ടാല്‍ ആരും പറയും എന്റമ്മോ..എന്തൊരു ഇടി എന്ന്, ആരു കണ്ടാലും തലയില്‍ കൈവച്ചു പോകുന്ന അപകടം നടന്നത് കൊട്ടാരക്കര കോട്ടപ്പുറത്തായിരുന്നു. പുനലൂർ ഭാഗത്തുനിന്ന് വരികയായിരുന്നു കാർ. കൊട്ടാരക്കരയിൽനിന്ന് പുനലൂരിലേക്ക് പോവുകയായിരുന്നു ബസ്. കാർ ഇടിച്ചയുടനെ ബസിന്റെ ടയറുകൾ ഊരിത്തെറിച്ചു. ബോഡി റോഡിൽ ഉരഞ്ഞു അൽപദൂരം മുന്നോട്ടുപോയി ബസ് നിന്നു. കാറിന്റെ മുൻവശം തകർന്നു.
കൊട്ടാരക്കരയിൽ നിന്ന് പുനലൂരിലേക്ക് പോവുകയായിരുന്ന ഓർഡിനറി ബസാണ് അപകടത്തിൽപെട്ടത്. ഉഗ്രശബ്ദത്തോടെ കാറിന്റെ ടയർ പൊട്ടിത്തെറിക്കുകയും ബസിന്റെ ആക്സിൽ അടർന്ന് മാറുകയുമായിരുന്നു. ആളപായമില്ല.