ചെന്നായയും നായയും ചേര്‍ന്ന സങ്കരയിനം; സ്വന്തമാക്കാന്‍ യുവാവ് ചിലവാക്കിയത് 50 കോടി രൂപ

അപൂര്‍വ സങ്കരയിനം നായയ്ക്കായി യുവാവ് ചിലവാക്കിയത് 50 കോടി രൂപ. ചെന്നായയും നായയും നായയും ചേര്‍ന്ന  സങ്കരയിനത്തെ സ്വന്തമാക്കാൻ ബെംഗളൂരു ആസ്ഥാനമായുള്ള ഒരു ബ്രീഡറാണ് ഈ തുക ചിലവഴിച്ചത്. ചെന്നായയും കൊക്കേഷ്യന്‍ ഷെപ്പേര്‍ഡും ചേര്‍ന്നതാണ് പുതിയ ബ്രീഡ്. കാഡബോംസ് ഒകാമി എന്ന് പേരിട്ട നായ അമേരിക്കയിലാണ് ജനിച്ചത്.

വെറും എട്ട് മാസം പ്രായമുള്ളപ്പോൾ അവന് 75 കിലോഗ്രാമിൽ കൂടുതൽ ഭാരമുണ്ട്, കൂടാതെ എല്ലാ ദിവസവും 3 കിലോ പച്ചമാംസവും കഴിക്കും. കൊക്കേഷ്യൻ ഷെപ്പേർഡ് അതിശക്തവാന്‍മാരായ കാവല്‍ നായക്കളാണ്. കോക്കസസ് പർവതനിരകളിലാണ് ഇവയെ കണ്ടുവരുന്നത്.

ഒരു ചെന്നായയെപ്പോലെയുള്ള വളരെ അപൂർവമായ ഒരു നായയാണ് കാഡബോംസ് ഒകാമി. ഇത്തരത്തിലൊരു നായ മുമ്പ് ലോകത്ത് വിറ്റഴിക്കപ്പെട്ടിട്ടില്ല. കർണാടകയിൽ ഈ ചെന്നായ നായ ഇതിനകം തന്നെ ഒരു സെൻസേഷനായി മാറിക്കഴിഞ്ഞു, നിരവധി ഉന്നത പരിപാടികളിലും അവന്‍ പങ്കെടുത്തിട്ടുണ്ട്. പ്രശസ്ഥ  ഡോഗ് ബ്രീഡറായ എസ്. സതീഷാണ് ഒകാമിയുടെ ഉടമ. 

നായ ആളുകളുടെ മുന്നില്‍ 30 മിനിറ്റ് പ്രത്യക്ഷപ്പെടുന്നതിലൂടെ ലക്ഷങ്ങള്‍ സമ്പാദിക്കാൻ കഴിയുമെന്നാണ് ഉടമസ്ഥന്‍  അവകാശപ്പെടുന്നത്. "ഈ നായ്ക്കൾ അപൂർവമായതിനാൽ ഞാൻ അവയ്ക്കായി പണം ചെലവഴിച്ചു. മാത്രമല്ല, ആളുകൾക്ക് എപ്പോഴും അവയെ കാണാൻ ആകാംക്ഷയുള്ളതിനാൽ എനിക്ക് ആവശ്യത്തിന് പണം ലഭിക്കുന്നു,"എന്നും അദ്ദേഹം കൂട്ടിച്ചേര്‍ത്തു. തന്റെ നായകളെ പരിപാലിക്കാനായി സതീഷിന് ആറ് ഏക്കര്‍ ഫാമും ജീവനക്കാരുമുണ്ട്.