കാൽനട യാത്ര പോലും ദുഷ്കരമായി കൊച്ചി എം.ജി റോഡ്. മാസങ്ങളായി തകർന്നു കിടക്കുന്ന റോഡ് നന്നാക്കാത്തതിനെ തുടർന്ന് വാഹനാപകടങ്ങളും പതിവാകുകയാണ്.
കൊച്ചി നഗരത്തിലെ ഏറ്റവും തിരക്കേറിയ റോഡുകളിൽ ഒന്നാണ് എം.ജി റോഡ്. നിരവധി വിദ്യാഭ്യാസ സ്ഥാപനങ്ങളും രണ്ട് തീയേറ്ററുകളും പ്രമുഖ വ്യാപാര സ്ഥാപനങ്ങളും ഉൾപ്പെടുന്ന എം.ജി റോഡിന്റെ അവസ്ഥ ദയനീയമാണ്.
കഴിഞ്ഞ കുറച്ചു ദിവസങ്ങളായി ഓരോ മണിക്കൂറിലും കുറഞ്ഞത് ഒരു അപകടം വീതം ഇവിടെ സംഭവിക്കുന്നുണ്ടെന്ന് യാത്രക്കാർ ആരോപിക്കുന്നു. റോഡ് തകര്‍ന്നതിനാല്‍ പൊടിശല്യവും രൂക്ഷമാണ്. ഇത് മൂലം നഗരത്തിലെത്തുന്നവരും വ്യാപാരികളും ഡ്രൈവര്‍മാരും ദുരിതമനുഭവിക്കുകയാണ്. ഈ റോഡുകളുടെ അവസ്ഥ കാണുമ്പോള്‍ അധികൃതര്‍ക്ക് നന്നാക്കാന്‍ ഉദ്ദേശ്യമില്ലാത്തതാണോ എന്ന് ആരെങ്കിലും സംശയിച്ചാല്‍ തെറ്റുപറയാനാകില്ല. കാല്‍നട യാത്രക്കാര്‍ക്കുപോലും സഞ്ചരിക്കാനാകാത്തവിധം തകര്‍ന്ന് തരിപ്പണമായിരിക്കുകയാണ് എം.ജി റോഡ്
