തെരുവുനായ ആക്രമണത്തിൽ 30 മുയലുകൾക്ക് ജീവൻ നഷ്ടമായി. ഇടുക്കി ഉപ്പുതറ മത്തായിപ്പാറയിൽ തോമസ് ജോർജിന്റെയും ലീലാമ്മയുടെയും വളർത്തു മുയലുകളെയാണ് തെരുവ് നായകൾ കടിച്ചു കൊന്നത്.
അരുമയായി വളർത്തിയ 30 മുയലുകൾ. തെരുവുനായകൾ കൂട്ടിൽ കയറിയാണ് 30 എണ്ണത്തിനെയും കടിച്ചു കൊന്നത്. കമ്പി വല കൊണ്ട് അടച്ചു കെട്ടിയ വാതിൽ തകർത്ത നായകൾ മുയലുകളുടെ ജീവനെടുത്തത്. പൂർണ്ണ വളർച്ചയെത്തിയതായിരുന്നു ഭൂരിഭാഗവും. ഗർഭിണികളായ നാലുമുയലുകളെ നായകൾ കടിച്ചു കൊണ്ടുപോവുകയും ചെയ്തു.
