കെ.എസ്.യു യൂണിറ്റ് പ്രസിഡന്റിനെ പുറത്താക്കിയതിനെചൊല്ലി മലപ്പുറം മേല്‍മുറി എംസിടി ലോ കോളജില്‍ രക്ഷിതാക്കളുടെ സമരം. പുറത്താക്കിയ വിദ്യാര്‍ഥിയെ തിരിച്ചെടുത്തില്ലെങ്കില്‍ അനിശ്ചിതകാല സമരം നടത്തുമെന്നാണ് മുന്നറിയിപ്പ്.
കോളജില്‍ അടിസ്ഥാന സൗകര്യങ്ങള്‍ ഒരുക്കണമെന്ന് പ്രിന്‍സിപ്പളോട് ആവശ്യപ്പെട്ട കെഎസ്്യു യൂണിറ്റ് പ്രസിഡന്റ് കെ. മുഹമ്മദ് റോഷനെ അകാരണമായി പുറത്താക്കിയതിലാണ് പ്രതിഷേധം. നാലാംവര്‍ഷ എല്‍എല്‍ബി വിദ്യാര്‍ഥിയാണ് മുഹമ്മദ് റോഷന്‍.
ശുചിമുറി അടക്കമുളള അടിസ്ഥാന സൗകര്യങ്ങളുടെ കുറവ് ശ്രദ്ധയില്‍പ്പെടുത്തിയതെന്നാണ് രക്ഷിതാക്കള്‍ പറയുന്നത്. രക്ഷിതാക്കള്‍ മാനേജ്മെന്‍റുമായി സംസാരിച്ചെങ്കിലും പരിഹാരമുണ്ടായില്ല. അടുത്ത അധ്യയന ദിവസവും സമരം തുടരുമെന്ന നിലപാടിലാണ് ലോകോളജിലെ വിദ്യാര്‍ഥികളും രക്ഷിതാക്കളും. കോളജും രക്ഷിതാക്കളും തമ്മിലുളള തര്‍ക്കം പരിഹരിക്കാന്‍ പൊലീസ് ശ്രമം നടത്തിയെങ്കിലും പരിഹാരമായില്ല.
Parents strike at law college
