കോഴിക്കോട് മലബാര്‍ മെഡിക്കല്‍ കോളജില്‍ നിന്നു പുറത്താക്കിയ വിദ്യാര്‍ഥികളെ തിരിച്ചെടുക്കാമെന്ന് കോളജ് അധികൃതര്‍. കോളജ് ഉപരോധിച്ച വിദ്യാര്‍ഥി സംഘടനകള്‍ക്കാണ് കോളജ് അധികൃതര്‍ ഉറപ്പ് നല്‍കിയത്. ബാങ്ക് ഗാരന്‍റി നല്‍കിയില്ലെന്നാരോപിച്ച് ഇന്നലെയാണ് 33 വിദ്യാര്‍ഥികളെ കോളജില്‍ നിന്നു പുറത്താക്കിയത്. സംഭവത്തില്‍ പ്രതിഷേധിച്ച് കെഎഎസ്്യുവും എബിവിപിയും കോളജിലേക്ക് പ്രതിഷേധ മാര്‍ച്ച് നടത്തിയിരുന്നു. ശക്തമായ പ്രതിഷേധം ഉയര്‍ന്നതോടെയാണ് കോളജ് നിലപാട് മാറ്റിയത്. പുറത്താക്കിയ വിദ്യാര്‍ഥികള്‍ക്ക് ഇന്നമുതല്‍ ക്ളാസില്‍ കയറാമെന്നും മാനേജ്മെന്‍റ് അറിയിച്ചു.
×