മഹീന്ദ്ര സൂപ്പര്‍ ലീഗ് കേരള ഫുട്ബോളില്‍ മലപ്പുറം എഫ്സിയെ സമനിലയില്‍ തളച്ച് തിരുവനന്തപുരം കൊമ്പന്‍സ് സെമിയില്‍. മലപ്പുറം മഞ്ചേരി പയ്യനാട് സ്റ്റേഡിയത്തില്‍ നടന്ന മല്‍സരത്തില്‍ മലപ്പുറത്തിനെതിരെ 2– 2 സമനില പിടിച്ച് 13 പോയിന്റോടെയാണ് കൊമ്പന്‍സ് സെമിയില്‍ കടന്നത്. കൊമ്പന്‍സിനായി ഓട്ടിമര്‍ ബിസ്പോ , പോള്‍ ഹമര്‍ എന്നിവര്‍ ഗോള്‍ നേടി. ചൊവ്വാഴ്ച നടക്കുന്ന ആദ്യ സെമിയില്‍ ടേബിള്‍ ടോപ്പേഴ്സായ കാലിക്കറ്റ് എഫ്സിയാണ് കൊമ്പന്‍സിന്റെ എതിരാളികള്‍.