കോലിയുടെ ഹോട്ടല്‍ മുറിയുടെ ദൃശ്യങ്ങള്‍; രാഹുല്‍ ദ്രാവിഡ് അസ്വസ്ഥൻ; നിരാശാജനകം

ഇന്ത്യന്‍താരം വിരാട് കോലിയുടെ ഹോട്ടല്‍ മുറിയുടെ ദൃശ്യങ്ങള്‍ പുറത്തായത് നിരാശജനകമെന്ന് പരിശീലകന്‍ രാഹുല്‍ ദ്രാവിഡ്. താരങ്ങള്‍ക്ക് സ്വന്തം മുറിയില്‍ പോലും സ്വകാര്യത ലഭിക്കാത്തത് അംഗീകരിക്കാനാവില്ലെന്നും ദ്രാവിഡ് പറഞ്ഞു

വിരാട് കോലിയുടെ ഹോട്ടല്‍ മുറിയുടെ ദൃശ്യങ്ങള്‍ പുറത്തുവന്നതില്‍ പരിശീലകന്‍ രാഹുല്‍ ദ്രാവിഡ് അസ്വസ്ഥനാണ്. എല്ലാ തിരക്കുകളില്‍ നിന്നും മാറി സമാധാനത്തോടെയിരിക്കാന്‍ ആഗ്രഹിക്കുന്നിടമാണ് എല്ലാവര്‍ക്കും സ്വന്തം മുറി. അവിടെ പോലും സ്വകാര്യത ലഭിക്കുന്നില്ലെങ്കില്‍ എന്ത് ചെയ്യുമെന്നാണ് ദ്രാവിഡ് ചോദിക്കുന്നത്. സമാധാനവും സുരക്ഷിതത്വവും ആഗ്രഹിക്കുന്നിടത്ത് അത് ലഭിച്ചില്ലെങ്കില്‍ താരങ്ങെന്നല്ല ആരായാലും പ്രതിഷേധിക്കുമെന്നും ദ്രാവിഡ് പറഞ്ഞു. 

പ്രശ്നത്തെ വിരാട് കൈകാര്യം ചെയ്ത രീതിയെ അഭിനന്ദിക്കാനും ദ്രാവിഡ് മറന്നില്ല. ‘വിരാട് പ്രശ്നം കൃത്യമായി അവതരിപ്പിച്ചു. ഇപ്പോള്‍ അദ്ദേഹം ഓകെയാണ്. കൃത്യമായി പരിശീലിക്കുന്നു. മല്‍സരത്തില്ഡ മാത്രമാണ് ശ്രദ്ധയെന്നും ദ്രാവിഡ് പറയുന്നു. കഴിഞ്ഞ ദിവസമാണ് തന്റെ ഹോട്ടല്‍ മുറിയുടെ ദൃശ്യങ്ങള്‍ പുറത്തുവന്നതില്‍ പ്രതിശേധിച്ച് ക്രിക്കറ്റ് താരം വിരാട് കോലി രംഗത്തെത്തിയത്. ആരാധകര്‍ താരങ്ങളുടെ സ്വകാര്യ ജീവിതത്തിലേക്ക് കടന്നുകയറുന്നത് ശരിയല്ലെന്നായിരുന്നു കോലിയുടെ ഇന്‍സ്റ്റഗ്രാം പോസ്റ്റ്. സംഭവത്തില്‍ മാപ്പു പറഞ്ഞ ഹോട്ടല്‍ അധികൃതര്‍ കാരണക്കാരായ ജീവനക്കാരെ പുറത്താക്കിയിരുന്നു

"Not Comfortable For Anyone": Rahul Dravid On Virat Kohli's Hotel Room Video Leak