ദക്ഷിണാഫ്രിക്കയ്ക്കെതിരായ മൂന്നാം ഏകദിനത്തില്‍ സഞ്ജു സാംസണ് സെഞ്ചറി. 110 പന്തുകളില്‍ നിന്നാണ് സഞ്ജുവിന്റെ ആദ്യ രാജ്യാന്തര സെഞ്ചറി. 114 പന്തില്‍ 108 റണ്‍സെടുത്ത് സഞ്ജു സാംസണ് പുറത്തായി. ഇതിനു മുമ്പുള്ള 15 ഏകദിനങ്ങളില്‍ സഞ്ജുവിന്റെ ഉയര്‍ന്ന സ്‌കോര്‍ 86 നോട്ടൗട്ടായിരുന്നു.
മൂന്നാമത്തെ ഏകദിനത്തില്‍ ടോസ് നേടിയ ദക്ഷിണാഫ്രിക്ക സന്ദര്‍ശകരെ ബാറ്റിംഗിനയക്കുകയായിരുന്നു. കെ.എല്‍ രാഹുലുമായി മൂന്നാം വിക്കറ്റില്‍ 52 റണ്‍സിന്റെ കൂട്ടുകെട്ടുണ്ടാക്കിയ സഞ്ജു 66 പന്തിലാണ് അര്‍ധ സെഞ്ചുറി പൂര്‍ത്തിയാക്കിയത്. 110 പന്ത് നേരിട്ട് 6 ഫോറും 2 സിക്‌സും ഉള്‍പ്പെടെയാണ് സഞ്ജു തന്റെ അന്താരാഷ്ട്ര ക്രിക്കറ്റിലെ കന്നി സെഞ്ചറി നേടിയെടുത്തത്. നാല് ബൗണ്ടറികളാണ് അര്‍ധ സെഞ്ചുറി പൂര്‍ത്തിയാക്കുമ്പോള്‍ സഞ്ജുവിനുണ്ടായിരുന്നത്. ഇന്ത്യ 50 ഓവറില്‍ 8 വിക്കറ്റ് നഷ്ടത്തില്‍ 296 റണ്‍സെടുത്തു.
Sanju Samson century in 3rd ODI against South Africa