അർജന്റീന ടീം ഒക്ടോബറിൽ കേരളത്തിലെത്തും; സൗഹൃദ മത്സരത്തിന് മെസിയും
- Sports
- Published on Mar 26, 2025, 03:42 PM IST
(FILES) Argentina's forward Lionel Messi waves as he warms up before the 2026 FIFA World Cup South American qualification football match between Brazil and Argentina at Maracana Stadium in Rio de Janeiro, Brazil, on November 21, 2023. Argentina's forward Lionel Messi was ruled out for Argentina s World Cup Qualifiers against Brazil and Uruguay on March 17, 2025, according to the list of called-up players posted on the AFA (Argentina Football Association) official X account. (Photo by CARL DE SOUZA / AFP)
ലയണല്‍ മെസിയും അര്‍ജന്റീന ഫുട്ബോള്‍ ടീമും ഒക്ടോബറില്‍ കേരളത്തിലെത്തും. ഇന്ത്യയിലെ ഫുട്ബോള്‍ പ്രാചരണത്തിനായി അര്‍ജന്റീന ഫുട്ബോള്‍ ടീമും എച്ച്.എസ്.ബി.സി ബാങ്കും കരാറിലെത്തിയതോടെയാണ് ലോകചാംപ്യന്‍മാരുടെ കേരളത്തിലേക്കുള്ള വരവിന് വഴിതുറന്നത്.
സൗഹൃദ ഫുട്ബോള്‍ മല്‍സരം കളിക്കാനായി ലയണല്‍ മെസി ഉള്‍പ്പെടുന്ന അര്‍ജന്റീന ടീം ഓക്ടോബറില്‍ ഇന്ത്യയിലെത്തുമെന്ന് പ്രഖ്യാപിച്ചുകൊണ്ടുള്ള എച്ച് എസ് ബി സി ഇന്ത്യയുടെ വാര്‍ത്താക്കുറിപ്പ് കേരളത്തിലെ മെസി ആരാധകര്‍ക്ക്, ലോകകിരീടം പോലെ ആഘോഷിക്കാനുള്ള വക നല്‍കി. ഒരുവര്‍ഷത്തേക്കാണ് ബ്രിട്ടീഷ് മള്‍ട്ടിനാഷ്ണല്‍ ബാങ്കിങ് ആന്‍ഡ് ഫിനാന്‍സ് സര്‍വീസ് കമ്പനിയായ എച്ച്.എസ്.ബി.സിയുടെ ഇന്ത്യാ വിഭാഗം അര്‍ജന്റീനയുമായി കരാറിലെത്തിയത്.
നേരത്തെ കായികമന്ത്രി വി.അബ്ദുറഹിമാന്‍ അര്‍ജന്റീനയെ കേരളത്തില്‍ കൊണ്ടുവരുമെന്ന് പ്രഖ്യാപിച്ചപ്പോള്‍ പ്രാധന ആശങ്ക സാമ്പത്തിക ബാധ്യതയായിരുന്നു. സാമ്പത്തിക പ്രതിസന്ധിയിലുള്ള കേരളം എന്തിന് ഇത്ര തുക ചെലവഴിക്കുന്നുവെന്ന് ചോദ്യത്തിന് മന്ത്രിക്കുപോലും മറുപടിയില്ലായിരുന്നു.
മള്‍ട്ടിനാഷ്ണല്‍ ബാങ്കിങ് കമ്പനിയെ പാര്‍ടണര്‍മാരായി ലഭിച്ചതോടെ ഇതിനുത്തരമായി. ഇന്ത്യയിലെയും സിംഗപ്പൂരിലെയും ഫുട്ബോള്‍ ഫുട്ബോള്‍ പ്രാചരണത്തിനായാണ് കരാര്‍. 14 വര്‍ഷത്തെ ഇടവേളയ്ക്ക് ശേഷമാണ് മെസി ഇന്ത്യയിലേക്ക് എത്തുന്നത്. 2011ല്‍ വെനസ്വേലയ്ക്കെതിരായ ലോകകപ്പ് യോഗ്യതാ മല്‍സരം കളിക്കാന്‍ മെസിയും അര്‍ജന്റീനയും സോള്‍ട്ട് ലേക്ക് സ്റ്റേഡിയത്തിലെത്തിയിരുന്നു
