രണ്ടാം പകുതിയില്‍ നാലു ഗോള്‍; ഗോവയെ വീഴ്ത്തി ബ്ലാസ്റ്റേഴ്സ്; ആവേശപ്പോരാട്ടം

ഐ.എസ്.എല്ലില്‍ എഫ്.സി. ഗോവയ്ക്കെതിരെ കേരള ബ്ലാസ്റ്റേഴ്സിന് മിന്നും വിജയം. രണ്ടിനെതിരെ നാലു ഗോളുകൾക്കാണ് ബ്ലാസ്റ്റേഴ്സ് ഗോവയെ വീഴ്ത്തിയത്. ആദ്യപകുതിയില്‍ രണ്ടു ഗോളുകള്‍ വഴങ്ങിയ ശേഷം മല്‍സരം അവസാനിക്കാന്‍ മിനിട്ടുകള്‍ ബാക്കിനില്‍ക്കെയായിരുന്നു ബ്ലാസ്റ്റേഴ്സിന്‍റെ വമ്പന്‍ തിരിച്ചു വരവ്. ബ്ലാസ്റ്റേഴ്സിനായി ക്യാപ്റ്റൻ ദിമിത്രിയോസ് ഡമന്റക്കോസ് ഇരട്ട ഗോൾ നേടി. ജാപ്പനീസ് താരം ഡൈസുകെ സകായിയും ഫെദോർ സെർണിച്ചുമാണ് മറ്റു രണ്ട് ഗോളുകള്‍ നേടിയത്. ഇതോടെ 16 മത്സരങ്ങളിൽനിന്ന് 9 ജയവുമായി ബ്ലാസ്റ്റേഴ്സ് നാലാം സ്ഥാനത്തേക്ക് ഉയർന്നു. ശനിയാഴ്ച ബെംഗളൂരുവിനെതിരെയാണ് ബ്ലാസ്റ്റേഴ്സിന്‍റെ അടുത്ത മത്സരം.

ISL; Kerala Blasters won against FC Goa