അവിശ്വാസം ചര്‍ച്ചയ്ക്കെടുക്കാനിരിക്കെ കൂത്താട്ടുകുളം നഗരസഭയില്‍ നാടകീയരംഗങ്ങള്‍. കൂറുമാറുമെന്ന് ഭയന്ന് സിപിഎം കൗണ്‍സിലര്‍ കലാരാജുവിനെ തട്ടിക്കൊണ്ടുപോയെന്നാണ് പരാതി. കലയുടെ മകള്‍ ലക്ഷ്മി മുഖ്യമന്ത്രിക്കും ഡിജിപിക്കും പരാതി കൈമാറി. യുഡിഎഫിന് അനുകൂലമായി കലാ രാജു വോട്ടുചെയ്യുമെന്ന ഭയത്തെ തുടര്‍ന്ന് കടത്തിക്കൊണ്ടുപോയെന്നാണ് ആക്ഷേപം . ചവിട്ടിക്കൂട്ടിയാണ് വനിതാ കൗണ്‍സിലറെ കൊണ്ടുപോയതെന്നും ഡിവൈഎസ്പി സഹായിച്ചുവെന്നും യുഡിഎഫ് ആരോപിക്കുന്നു. സംഭവത്തില്‍ പ്രതിഷേധിച്ച് യുഡിഎഫ് പ്രവര്‍ത്തകര്‍ പൊലീസ് സ്റ്റേഷന്‍ ഉപരോധിച്ചു.