ഫെയ്സ്ബുക്കിനും ട്വിറ്ററിനും പിന്നാലെ വാട്ട്സ്ആപ്പിനും ചൈനയില്‍ വിലക്കേര്‍പ്പെടുത്തുന്നു. അടുത്തമാസം നടക്കുന്ന കമ്മ്യൂണിസ്റ്റ് പാര്‍ട്ടിയുടെ 19-ാം ദേശീയ സമ്മേളനത്തിന്റെ ഭാഗമായാണ് തീരുമാനം. കമ്മ്യൂണിസ്റ്റ് പാര്‍ട്ടിയുടെ പ്രധാന സമ്മേളനങ്ങളുടെ സമയത്ത് സമൂഹമാധ്യമങ്ങള്‍ക്കും ഇന്റര്‍നെറ്റ് ഉപയോഗത്തിനും ചൈന വിലക്കേര്‍പ്പെടുത്താറുണ്ട്.
സെപ്റ്റംബര്‍ 23 മുതല്‍ വാട്ട്സ്ആപ്പ് ഉപയോഗിക്കാന്‍ കഴിയില്ലെന്നായിരുന്നു സര്‍ക്കാര്‍ അറിയിപ്പ്. എന്നാല്‍ ഈ മാസം 19 മുതല്‍ തന്നെ പലര്‍ക്കും സേവനം നഷ്ടമായി. ചൈനയിലെ ആഭ്യന്തര കണക്ഷനുകള്‍ക്ക് മാത്രമേ നിലവില്‍ ഈ വിലക്ക് ബാധകമാകു. അന്തര്‍ദേശീയ സിംകാര്‍ഡ് ഉപഭോക്താക്കളെ ഇത് ബാധിക്കില്ല.
×