സംസ്ഥാന സർക്കാരിന്റെ ഓണം വാരാഘോഷത്തിന് തുടക്കം. തിരുവനന്തപുരം നിശാഗന്ധിയിൽ മുഖ്യമന്ത്രി പിണറായി വിജയൻ ഉദ്ഘാടനം നിർവഹിച്ചു.ആഘോഷങ്ങൾ പരിസ്ഥിതി സൗഹാർദമാകണമെന്നും മറിച്ചായാൽ അത് പ്രത്യാഘാതങ്ങൾക്ക് വഴിവെക്കുമെന്നും മുഖ്യമന്ത്രി പറഞ്ഞു.നടൻ മമ്മൂട്ടി ചടങ്ങിൽ വിശിഷ്ടാതിഥിയായി.ചലച്ചിത്ര താരം മഞ്ജു വാരിയരുടെയും ഗായകൻ വിജയ് യേശുദാസിന്റെയും നേതൃത്വത്തിൽ സംഗീത - നൃത്ത പരിപാടികളും ഉദ്ഘാടന ചടങ്ങിന്റെ മാറ്റ് കൂട്ടി. മുപ്പത് വേദികളിലായി ഒരാഴ്ച നീളുന്ന ആഘോഷ പരിപാടികളാണ് ടൂറിസം വകുപ്പ് സംഘടിപ്പിച്ചിരിക്കുന്നത്.
×