ചങ്ങനാശേരിയിൽ മദ്യലഹരിയിൽ വാഹനമോടിച്ച് അപകടമുണ്ടാക്കിയ പൊലീസുകാരന് സസ്പെൻഷൻ. ട്രാഫിക് പോലീസ് യൂണിറ്റിലെ എ.എസ്.ഐ വി. സുരേഷിനെയാണ് സസ്പെൻഡ് ചെയ്തത്. ചങ്ങനാശേരി ബൈപ്പാസ് റോഡിൽ ബുധനാഴ്ച വൈകിട്ട് മദ്യലഹരിയില് സുരേഷ് ഓടിച്ച കാര് വിദ്യാർഥികളുമായി വന്ന ഓട്ടോയിൽ ഇടിച്ചു. നാട്ടുകാരുടെ പ്രതിഷേധത്തെ തുടർന്ന് പട്രോളിങ്ങിലുണ്ടായ പോലീസ് സ്ഥലത്തെത്തി സുരേഷിനെ കസ്റ്റഡിയിലെടുക്കുകയായിരുന്നു.
×