ഖത്തറിൽ ചുവന്ന ടാർ ഉപയോഗിച്ചു നിർമിച്ച ആദ്യത്തെ റോഡ്.പൂർണമായും ചുവന്ന നിറത്തിലുള്ള ആദ്യ റോഡ് ഖത്തറിൽ ഗതാഗതത്തിനു തുറന്നുകൊടുത്തു. അൽ ബിദ പാർക്കിനു ചുറ്റുമായി ഖത്തർ നാഷനൽ തിയറ്റർ മുതൽ അമീരി ദിവാൻ റൗണ്ട്എബൗട്ട് വരെ ഭാഗത്തെ ‘റെഡ് സ്ട്രീറ്റ്’ആണു ചുവന്ന നിറത്തിലുള്ള ടാർ കൊണ്ടു നിർമിച്ചത്. യന്ത്രവൽകൃത നിയന്ത്രണ സംവിധാനത്തിലൂടെ റോഡ് പൂർണമായി അടയ്ക്കാനോ, കാൽനടയാത്രയ്ക്കു മാത്രമായി മാറ്റാനോ സാധിക്കും. 2022ലെ ലോകകപ്പ് ഫുട്ബോൾ നടക്കുമ്പോൾ അൽ ബിദ പാർക്ക് ഫാൻ സോണായാണു പ്രവർത്തിക്കുക. കോർണിഷിലെ പ്രധാന ആഘോഷ വേദിയും ഈ പാർക്കാകും. രണ്ടു ദശലക്ഷം ചതുരശ്ര മീറ്റർ സ്ഥലത്താണു പാർക്ക്. 6000 കാറുകൾ പാർക്ക് ചെയ്യാനുള്ള സൗകര്യമുണ്ടാകും.
×