ഹോണ്ട പുതിയ മോഡൽ സ്കൂട്ടർ പുറത്തിറക്കുന്നു. ഗ്രേസ്യ എന്നു പേരിട്ടിരിക്കുന്ന ഇരു ചക്രവാഹനത്തിന്റെ ബുക്കിങ് ആരംഭിച്ചു കഴിഞ്ഞു. 2000 രൂപ നൽകി ബുക്ക് ചെയ്യാം. ഇന്നലെയാണ് പുതിയ വാഹനം പുറത്തിറക്കുന്നതായി പ്രഖ്യാപിച്ചത്. എന്നാൽ വിലയെക്കുറിച്ചും മറ്റു സവിശേഷതകളെക്കുറിച്ചുമുള്ള വിവരങ്ങൾ പുറത്തു വിട്ടിട്ടില്ല. ഗ്രേസ്യയുടെ ചിത്രവും പുറത്തു വന്നിട്ടില്ല. ഒരു ഡീലറുടെ പക്കലിൽ നിന്നും ചോർന്നതെന്നു സംശയിക്കുന്ന ചിത്രം പ്രചരിക്കുന്നുണ്ട്. എന്തായാലും കൂടുതൽ അഡ്വാൻസ്ഡ് ആയ ഫീച്ചറുകൾ പ്രതീക്ഷിക്കാം. 125 സിസി എൻജിൻ ആയിരിക്കുമെന്നു സൂചനയുണ്ട്. ഈ ആഴ്ച തന്നെ കൂടുതൽ വിവരങ്ങൾ പുറത്തുവരുമെന്നു ഡീലർമാർ പറയുന്നു.
×