നടി ശോഭനയുടെ മകളെന്ന പേരിൽ പ്രചരിക്കുന്ന ചിത്രത്തിന്റെ സത്യാവസ്ഥവെളിപ്പെടുത്തി സംവിധായകൻ ബാലു കിരിയത്ത്. ശോഭനയോടൊപ്പമുള്ളത് മകൾ അനന്തനാരായണിയുടേതല്ല തന്റെ കൊച്ചുമകളാണെന്ന് ബാലു കിരിയത്ത് വ്യക്തമാക്കി.
ശോഭനയും ബാലു കിരിയത്തും ബന്ധുക്കളാണ്. ഒരു സ്വകാര്യചടങ്ങിൽ ശോഭന എത്തിയപ്പോൾ ബാലു കിരിയത്തിന്റെ കൊച്ചു മകളെ കണ്ട ശോഭന വാത്സല്യത്തോടെ എടുത്തു. ഇരുവരും ഒന്നിച്ചുള്ള ചിത്രമാണ് ശോഭനയുടെ മകളാണെന്ന പേരിൽ സമൂഹമാധ്യമത്തിൽ പ്രചരിച്ചത്. സ്വകാര്യചടങ്ങിൽ പങ്കെടുക്കാനെത്തിയ ആരോ പകർത്തിയ ചിത്രം പുറത്തുപോയതാണ് തെറ്റിദ്ധാരണ പടര്‍ത്തിയത്.
×