വലിയ വിജയം നേടി വിക്രം വേദയ്ക്ക് പിന്നാലെ വിജയ് സേതുപതി ചിത്രം കറുപ്പന്‍ റിലീസിന് തയാറെടുക്കുന്നു. ജെല്ലിക്കട്ട് പശ്ചാതലമാക്കിയാണ് സിനിമ കഥ പറയുന്നത്. പനീര്‍ശെല്‍വമാണ് സംവിധാനം.
തമിഴ്നാട്ടില്‍ നിരവധി സമരങ്ങള്‍ക്കും പ്രേക്ഷഭങ്ങള്‍ക്കും വഴിവച്ച ജല്ലിക്കട്ട് നിരോധത്തിന് ശേഷമാണ് കരുപ്പന്‍ എത്തുന്നത്. ജെല്ലിക്കട്ട് പോരാളി കറുപ്പനായി വിജയ് സേതുപതി വേഷമിടുന്നു. റെനിഗുണ്ട എന്ന ചിത്രമൊരുക്കിയ പനീര്‍ശെല്‍വമാണ് സംവിധാനം. റ്റാനിയ നായികയാകുന്ന ചിത്രത്തില്‍ ബോബി സിംഹ, കിഷോര്‍, പശുപതി അടക്കമുള്ള താരങ്ങള്‍ അണിനിരക്കുന്നു.
പുറത്ത് വന്ന ട്രെയിലറിന് വലിയ സ്വീകരണമാണ് വിജയ് സേതുപതി ആരാധകര്‍ നല്‍കിയിരിക്കുന്നത്. ഈ മാസം അവസാനം കറുപ്പന്‍ തിയറ്ററുകളില്‍ എത്തും.
×