വിജയ്ചിത്രം മെര്‍സലിന് വന്‍വരവേല്‍പ്പൊരുക്കി ആരാധകര്‍. പാലക്കാട് ആറുമണിക്കായിരുന്നു ആദ്യപ്രദര്‍ശനം. ചിത്രം തുടങ്ങുന്നതിന് മണിക്കൂറുകള്‍ മുന്‍പേ ആര്‍പ്പുവിളികളും ആരവങ്ങളുമായി ആരാധകര്‍ തിയറ്ററില്‍ സജീവമായി. ജില്ലയില്‍ ഇരുപത്തിയേഴ് കേന്ദ്രങ്ങളിലാണ് ചിത്രം പ്രദര്‍ശിപ്പിക്കുന്നത്
ഒരു പക്കാ ദീപാവലി വെടിക്കെട്ട് തന്നെയാവും മെര്‍സല്‍ എന്നാണ് ട്രെയിലറും സിനിമയിലെ ഗാനങ്ങളും നല്‍കിയ പ്രതീക്ഷ. വാനോളമുണ്ടായിരുന്ന പ്രതീക്ഷകള്‍ക്കൊപ്പം നിലനിന്ന വിവാദങ്ങള്‍ക്കും ആശങ്കകള്‍ക്കും വിരാമമിട്ടാണ് മെര്‍സല്‍ അവതരിച്ചത്.
വിജയും അറ്റ്ലിയും ഒന്നിച്ചപ്പോഴെല്ലാം ചരിത്രമായിരുന്നു. ആ ചരിത്രത്തിന്റെ തനിയാവര്‍ത്തനമാകും മെര്‍സലെന്നാണ് ആരാധകപ്രതീക്ഷ എ.ആര്‍ റഹ്മാന്‍ സംഗീതം നല്‍കിയിരിക്കുന്ന ഇൗ ബിഗ്ബഡ്ജറ്റ് ചിത്രത്തില്‍ മൂന്നുഗെറ്റപ്പിലാണ് വിജയ് എത്തുന്നത്.
×