ആരാധകര്‍ ഏറെ ആവേശത്തോടെ കാത്തിരുന്ന വിജയ് ചിത്രം മെര്‍സലിന് വന്‍ വരവേല്‍പ്. മികച്ച പ്രതികരണം നേടി മുന്നേറുന്ന ചിത്രം ആദ്യ ദിനം കേരളത്തിന്‍ നിന്ന് ആറുകോടി രൂപ കലക്ട് ചെയ്തു.
പ്രതീക്ഷകള്‍ തെറ്റിയില്ല. ദീപാവലി മെര്‍സലിന് സ്വന്തം. വിജയുടെ വ്യത്യസ്ത ഗെറ്റപ്പും അറ്റ്ലിയുടെ സംവിധാനവും റഹ്മാന്‍ മാജിക്കും പ്രതീക്ഷിച്ച ആരാധകര്‍ക്ക് നിരാശയില്ലാതെ കണ്ടിരിക്കാവുന്ന ചിത്രമാണ് മെര്‍സല്‍.
കേരളത്തില ഇരുന്നൂറിലധികം കേന്ദ്രങ്ങളില്‍ പ്രദര്‍ഷനത്തിനെത്തിയ ചിത്രം ആദ്യ ദിനം 6.11 കോടിയാണ് സ്വന്തമാക്കിയത്. 6.27 കോടി നേടിയ ബാഹുബലി 2 മാത്രമാണ് മെര്‍സലിന് മുന്നിലുളളത്. ഇന്ത്യയൊട്ടാകെ 2500ഓളം സ്ക്രീനുകളിൽ റിലീസിനെത്തിയ ചിത്രം ആകെ 31 കോടി വാരിക്കൂട്ടി.
വിജയിക്കൊപ്പം ശക്തമായി കഥാപാത്രത്തെ അവതിരിപ്പിച്ച നിത്യാ മേനോനും കയ്യടി നേടി. എസ്,ജെ സൂര്യ. വടിവേലു സമാന്ത കാജല്‍ എന്നിവരാണ് ചിത്രത്തിലെ മറ്റു താരങ്ങള്‍.
