വിജയ് ചിത്രം മെര്‍സല്‍ തിയറ്ററുകളിലേക്ക് എത്തുമ്പോള്‍ തികഞ്ഞ ആവേശത്തിലാണ് കേരളത്തിലെ വിജയ് ആരാധകരും. സിനിമയുടെ റിലീസിനോട് അനുബന്ധിച്ച് മ്യൂസിക്ക് വീഡിയോയാണ് ഒരുകൂട്ടം ചെറുപ്പക്കാര്‍ പുറത്തിറക്കിയിരിക്കുന്നത്. വിജയ്‌യുടെ അഭിനയജീവിതത്തിന്‍റെ ഇരുപത്തിയഞ്ചാം വാര്‍ഷികാഘോഷം കൂടിയാണീ വീഡിയോ. തമിഴ് താരങ്ങളില്‍ മലയാളത്തില്‍ വലിയ ആരാധകരുള്ള നടനാണ് വിജയ്. മെര്‍സല്‍ പ്രദര്‍ശനം ആരംഭിക്കുമ്പോള്‍ അത് ആഘോഷമാക്കുകയാണ് ആരാധകര്‍.
ജേര്‍ണി ഓഫ് ദ ലെജന്‍ഡ് എന്ന് പേരിട്ടിരിക്കുന്ന മ്യൂസിക്ക് വീഡിയോ പുറത്ത് വന്ന് ഒരുദിവസം പിന്നിടുമ്പോള്‍ ഒന്നരലക്ഷത്തോളം കാഴ്ചക്കാരെ സ്വന്തമാക്കി കഴിഞ്ഞു. നഹാസ് നൗഷാദാണ് പാട്ട് എഴുതി സംഗീതം നല്‍കിയിരിക്കുന്നത്. തമിഴ് ഹിറ്റ് ഗായകന്‍ രാഹുല്‍ നമ്പ്യാരാണ് പാട്ട് പാടിയിരിക്കുന്നത്. അനീസ് ബഷീറാണ് സംവിധാനം.
×