മണിക്കൂറുകൾക്കുള്ളിൽ െറക്കോർഡുകൾ തകർത്ത് വിജയ് ചിത്രം മേർസലിന്റെ ടീസർ വൈറലാകുന്നു. ഒരു കോടിയിലധികം ആളുകൾ കണ്ടു കഴിഞ്ഞ ടീസറിന് ആറുലക്ഷത്തിലേറെ ലൈക്കുകളും ലഭിച്ചു.
ടീസർ റെക്കോർഡുകളിൽ ഇനി മേർസലിനെ വെല്ലാൻ ആരുമില്ല. തെന്നിന്ത്യയിലെ സകല യുട്യൂബ് റെക്കോർഡുകളും മണിക്കൂറുകള്‍കൊണ്ടാണ് വിജയ്‌യുടെ മേർസൽ ടീസർ തകർത്തത്.
അജിത്തിന്റെ വിവേകം ടീസർ 130 ദിവസം കൊണ്ട് സ്വന്തമാക്കിയ ലൈക്സ് മേർസൽ ടീസർ വെറും മണിക്കൂറുകള്‍ക്കുള്ളില്‍ നേടി.
സൂപ്പർഹിറ്റ് ചിത്രം തെരിയ്ക്ക് ശേഷം അറ്റ്ലിയും വിജയ്‌യും ഒന്നിക്കുന്ന ചിത്രമാണ് മേർസൽ. മൂന്നു ഗെറ്റപ്പുകളിലാണ് വിജയ് എത്തുന്നത്. നിത്യാ മേനോൻ, കാജൽ അഗർവാൾ, സമാന്ത എന്നിവരാണ് നായികമാർ. എആർ റഹ്മാൻ സംഗീതമൊരുക്കുന്ന ചിത്രം ഒക്ടോബറിൽ തിയറ്ററുകളിലെത്തും.
×