ദുല്‍ക്കര്‍ സല്‍മാന്‍ ചിത്രമായ സോളോയുടെ ആദ്യ ദിനകളക്ഷന്‍ റിപ്പോര്‍ട്ട് പുറത്ത്. 3.36 കോടിയാണ് ചിത്രം കേരളത്തില്‍ നിന്ന് ആദ്യദിനം സ്വന്തമാക്കിയത്. തമിഴ്നാട്ടിലെ തിയറ്റര്‍ സമരം മൂലം സോളോയുടെ റിലീസ് അനിശ്ചിതത്വത്തിലാണ്
റെക്കോര്‍ഡ് കളക്ഷന്‍ ലക്ഷ്യമിട്ടിറങ്ങിയ ദുല്‍ക്കര്‍ ചിത്രം കേരളത്തില്‍നിന്ന് 3.36 കോടിയാണ് ആദ്യ ദിനം നേടിയത്. തമിഴ്നാട്ടിലുള്ള ചിത്രത്തിന്റെ റിലീസ് തിയറ്റര്‍ ഉടമകളുടെ സമരത്തെതുടര്‍ന്ന് പ്രതിസന്ധിയിലായിരിക്കുകയാണ്. സമരത്തെ തുടര്‍ന്ന് എല്ലായിടങ്ങളിലും ചിത്രം റിലീസ് ചെയ്യാനാക്കാത്തതില്‍ ഹ്യദയം നുറുങ്ങുന്ന വേദനയാണുള്ളതെന്ന് സംവിധായകന്‍ ബിജോയ് നമ്പ്യാര്‍ ട്വിറ്ററില്‍ കുറിച്ചു. ദുല്‍ക്കര്‍ നാലു വേഷത്തില്‍ പ്രത്യക്ഷപ്പെടുന്ന ചിത്രത്തിന് മികച്ച പ്രേക്ഷക പ്രതികരണമാണ് ലഭിക്കുന്നത്.
പരീക്ഷണ അടിസ്ഥാനത്തിലുള്ള വ്യത്യസ്ത അവതരണ രീതിയാണ് സോളോയുടെ പ്രത്യേകത. കേരളത്തില്‍ 225 ക്രേന്ദത്തിലാണ് ചിത്രം റിലീസ് ചെയ്തത്.
