സ്വന്തം സംഗീതത്തിന് പാട്ട് പാടേണ്ടി വരുന്നത് വേറിട്ട അനുഭവമാണെന്ന് സൂരജ് എസ് കുറുപ്പ്. നവാഗതനെന്ന നിലയിൽ മുതിർന്ന സാങ്കേതിക പ്രവർത്തകർക്കൊപ്പം പ്രവർത്തിക്കാൻ സാധിച്ചത് മികച്ച അനുഭവമാണെന്ന് സൂരജ് പറയുന്നു. കഴിഞ്ഞ ദിവസം പുറത്തെത്തിയ സോളോയിലെ സീതാ കല്യാണം എന്ന ഗാനത്തിന് മികച്ച പ്രതികരണമാണ് ലഭിക്കുന്നത്. സീതാ കല്യാണത്തിന്റെ പാട്ടൊരുക്കിയിരിക്കുന്നത് സൂരജ് എസ് കുറുപ്പാണ്. മലയാളിയായ ബോളിവുഡ് സംവിധായകന്‍ ബിജോയ് നമ്പ്യാരാണ് സോളോ അണിയിച്ചൊരുക്കുന്നത്. ദുല്‍ഖര്‍ നാല് വ്യത്യസ്ത ഗെറ്റപ്പുകളിലാണ് ചിത്രത്തില്‍ അഭിനയിക്കുന്നത്.
×