മലപ്പുറം കോട്ടയ്ക്കലിൽ വൻ കഞ്ചാവു വേട്ട. 22 കിലോ കഞ്ചാവുമായി രണ്ടു പേർ എക്സൈസിന്റെ പിടിയിലായി.കോട്ടയ്ക്കൽ സ്വദേശി മുനവ്വർ യൂസഫ്, വളാഞ്ചേരി സ്വദേശി അബ്ദുൾ റഉൗഫ് എന്നിവരാണ് പിടിയിലായത്
കോട്ടയ്ക്കൽ ഭാഗത്ത് ഒരു ലോഡ്ജ് കേന്ദ്രീകരിച്ച് ലഹരിവസ്തുക്കൾ വിൽപ്പന നടത്തുന്നു എന്ന വിവരം എക്സൈസ് സംഘത്തിന് നേരത്തെ ലഭിച്ചിരുന്നു. തുടർന്ന് കഴിഞ്ഞ ഒരു മാസമായി ഈ ലോഡ്ജ് നിരീക്ഷണത്തിലായിരുന്നു.ലോഡ്ജിലേക്ക് കഞ്ചാവു കൊണ്ടു വന്ന സംഘത്തെ പുത്തൂർ പോസ്റ്റ് ഒാഫിസിനു സമീപം വച്ചാണ് പിടിയിലായത്.22 കിലോ കഞ്ചാവ് ഒരു ചാക്കിൽ സൂക്ഷിച്ച നിലയിലായിരുന്നു.ഈ വർഷത്തെ ജില്ലയിലെ ഏറ്റവും വലിയ കഞ്ചാവ് വേട്ടയാണിത്
കഴിഞ്ഞ മാസം ജില്ലയിൽ 147 അബ്കാരി കേസുകളും 45 മയക്കുമരുന്ന് കേസുകളും റജിസ്റ്റർ ചെയ്തു.സ്കൂൾ പരിസരങ്ങളിൽ നിന്നായി 20 കിലോഗ്രാം പുകയില ഉൽപന്നങ്ങളും പിടികൂടിയിട്ടുണ്ട്
×