ഓണപ്പാട്ടുപാടി സമൂഹമാധ്യമങ്ങളിൽ തരംഗംതീർക്കുന്ന രണ്ടാംക്ലാസുകാരിയെ പരിചയപ്പെടാം. തിരുവനന്തപുരം സരസ്വതി വിദ്യാലയത്തിലെ അവന്തികയാണ് ഈ മിടുക്കി. മധുരിക്കുന്ന സ്വരവുമായി ജി.വേണുഗോപാലിന്റെ വേദിയിലടക്കം ഇടംപിടിച്ചിരിക്കുകയാണ് അവന്തിക.
ഫേസ്ബുക്കിൽ റിലീസ് ചെയ്ത ഓണപ്പാട്ടാണ് ഏഴുവയസുകാരി അവന്തികയെ താരമാക്കുന്നത്. ചുരുങ്ങിയ ദിനംകൊണ്ട് ഇഷ്ടംപോലെ കാഴ്ചകളും ഇഷ്ടങ്ങളും പങ്കുവെക്കലുകളുമായി കൊച്ചുമിടുക്കിയുടെ ഓണപ്പാട്ട് മലയാളം ഏറ്റെടുത്തു. പയ്യന്നൂർ സ്വദേശികളായ ജി.പ്രമോദിന്റേയും രഞ്ജനയുടേയും മകളാണ് അവന്തിക. പാട്ടുവഴിയിൽ സഹോദരി ഒമ്പതാംക്ലാസുകാരിയായ അനാമികയും ഒപ്പമുണ്ട്.
×