സമകാലീനതയുടെ ലാളിത്യം, അത് പുറംമോടിയിലും അകത്തള കാഴ്ചകളിലും ഒരുപോലെ ഉൾക്കൊണ്ട വീടാണ് മലപ്പുറം ജില്ലയിലെ മഞ്ചേരിയിലുള്ള ശിഹാബുദീന്റെയും അനീഷയുടെയും വീട്.
കോളം & ബീം സ്ട്രക്ച്ചറിൽ രൂപപ്പെടുത്തിയ വീടിന് ഏച്ചുകെട്ടിയ അലങ്കാരങ്ങളോ ആഡംബരങ്ങളോ കാണാനാകില്ല. അകത്തെ ഓരോ സ്പെയിസിൻെറയും രൂപഘടനയുടെ സ്വാഭാവിക പ്രതിഫലനത്തെ മനോഹരമായി രൂപപ്പെടുത്തിയിരിക്കുകയാണ് മഞ്ചേരിയിലുള്ള വി.എം. ബിൽഡേഴ്സിലെ ഡിസൈനർ ഷഫീക്ക് അലി.
സ്വകാര്യതയ്ക് പ്രാധാന്യം നൽകി, കറുപ്പിൻെറയും വെളുപ്പിൻെറയും മനോഹരമായ സങ്കലനം നടത്തിയിട്ടുള്ള അകത്തളങ്ങളിലും ഇതേ ലാളിത്യം തന്നെയാണ് ഡിസൈനർ ഷഫീക്ക് അലി പിന്തുടർന്നിരിക്കുന്നത്.
×