ഒട്ടേറെ പെൺകുട്ടികളെ വിവാഹ വാഗ്ദാനം നൽകി പീഡിപ്പിച്ച കേസിൽ വടക്കാഞ്ചേരി കുമരനെല്ലൂർ കിഴക്കേപീടികയിൽ അബ്ദുൽ ഷഹബാസിനെ (21) ഈസ്റ്റ് പൊലീസ് അറസ്റ്റു ചെയ്തു. മണ്ണുത്തി സ്വദേശിനിയുടെ പരാതിയിലാണ് അറസ്റ്റ്. പെൺകുട്ടികളെ പ്രണയം നടിച്ചു വലയിലാക്കി സ്വർണാഭരണങ്ങൾ കൈക്കലാക്കുകയും നഗരത്തിലെ ഹോട്ടലുകളിൽ കൊണ്ടുപോയി പീഡിപ്പിക്കുകയുമായിരുന്നു പതിവ്.
സ്വർണം വിറ്റു കിട്ടുന്ന പണം കൊണ്ട് ആഡംബര ജീവിതമാണ് നയിച്ചിരുന്നതെന്ന് പൊലീസ് പറ‍ഞ്ഞു. ഈസ്റ്റ് സിഐ കെ.സി.സേതുവിന്റെ നേതൃത്വത്തിലുള്ള സംഘമാണു പ്രതിയെ പിടികൂടിയത്.
×