പാട്ടുംപാടി കെമിസ്ട്രി പഠിപ്പിക്കുകയാണ് കോഴിക്കോട് ചേവായൂർ സ്വദേശി മുഹമ്മദ് റനീഷ്. സമവാക്യങ്ങളും ആവർത്തനപ്പട്ടികയുമെല്ലാം സൂപ്പർഹിറ്റ് സിനിമ പാട്ടുകളിലൂടെയാണ് ഈ അധ്യാപകൻ വിദ്യാര്‍ഥികള്‍ക്ക് ഹൃദ്യസ്ഥമാക്കിക്കൊടുക്കുന്നത്. തട്ടത്തിൻ മറയത്തിലെ സൂപ്പർഹിറ്റ് ഗാനങ്ങളിലൂടെയും ചേവായൂർ സ്വദേശി റനീഷ് കെമിസ്ട്രി പഠിപ്പിക്കും.
പറയുന്ന സിനിമ ഗാനങ്ങളിലും ഡയലോഗുകളിലും എല്ലാം തന്നെ രസതന്ത്ര സമവാക്യം കാണുമെന്ന് മാത്രം. പഠനം പാൽപായസമാക്കാനാണ് ഈ രീതിയെന്ന് റനീഷ് .ഈ അധ്യാപകനും വിദ്യാർഥികളും തമ്മിൽ നല്ല കെമിസ്ട്രിയാണ്. അതുകൊണ്ട് പാട്ടുംപാടി കെമിസ്ട്രി പഠിക്കാൻ റനീഷിന്റെ ട്യൂഷൻ സെന്ററിൽ വിദ്യാർഥികളുടെ തിരക്കാണ്. പതിമൂന്ന് വർഷമായി അധ്യാപനരംഗത്തുള്ള ഈ അധ്യാപകൻ നിരവധി പുസ്തകങ്ങളുടെയും രചയിതാവാണ്.
×